ज्येष्ठ नागरिक समाजको अध्यक्षमा पराजुली

भक्तपुर, माघ १६ गते । रातो तारा डट कम, ज्येष्ठ नागरिकको संस्था अग्रज समाज नेपालको लोकन्थलीमा भएको अधिवेशनले महाप्रसाद पराजुलीको अध्यक्षतामा ४३ सदस्यीय नयाँ कार्य समिति चयन गरेको छ ।

समाजको सहअध्यक्षमा नयन्द्रबहादुर खड्का र उपाध्यक्षहरुमा सीताराम ढकाल, प्रभा लम्साल, यशोदा ढकाल, हरिप्रसाद भट्टराई, माधवप्रसाद घिमिरे चयन हुनु भएको छ ।

यसैगरी महासचिवमा सरस्वती रिजाल, कोषाध्यक्षमा नन्दाकुमारी ढकाल, सचिवमा रामप्रसाद अधिकारी, सहसचिवमा सीता आचार्य र सहकोषाध्यक्षमा सीताराम पुडासैनी रहनुभएको छ ।

केन्द्रीय सदस्यमा हरिभक्त कटुवाल, गोमा तिवारी, पवित्रा खड्का, चेतकुमारी कार्की, कान्छी कार्की, चित्रकुमारी विष्ट, भगवती नेपाल, सावित्रा गिरी, धनमाया कार्की, ललितबहादुर गिरी, नन्दामाया गौतम, टीकामाया गौतमलगायत रहेका छन् ।

समाजको प्रवक्तामा गोविन्द निरौला र चन्द्रमाया चुँडाल तथा संरक्षकमा प्रेमबहादुर खड्का, केदार खड्का, तारा लुइँटेल, जानुका पौडेल र कुलबहादुर क्षेत्री रहेका छन् । समाजले सहयोगी संस्थाका रुपमा सुरेश बुढाथोकीको नेतृत्वमा १४ सदस्यीय सहयोगी युवा समितिसमेत गठन गरेको छ ।
–––