इटहरी जेसीजको आज ३० औ पदस्थापना समारोह

शिव भट्टराई-इटहरी, माघ १७ गते । रातो तारा डट कम,
काङग्रेस नेता एवम अर्थमन्त्री ज्ञानेन्द्रबहादुर कार्कीले राजनीति मावन सेवाप्रति समर्पित हुन नसकेको अवस्थामा राजनीतिलाई आम नागरिकले  विश्वास गर्न छोड्ने खतरा बढिरहेको बताउनुभएको छ ।

अर्थमन्त्री कार्कीले आज इटहरी जेसीजको ३० औ तथा जुनियर जेसीजको ३० औ पदस्थापना समारोहमा बोल्नुहुँदा उक्त कुरा बताउनु भएको हो । उहाँले जेसीजले अपनाएको विधिको शासन र नागरिकप्रतिको सेवाभावबाट नेपालको राजनीतिक दलहरुले शिक्षा लिन नसकेकै कारण देशका सम्पूर्ण राजनीतिप्रति वितृष्ण बढ्न थालेको तथ्य पनि उहाँले दावी गर्नुभयो ।

अर्थमन्त्री कार्कीले हरेक बर्ष एक ब्यक्ती एक पदको जेसीज अवधारणको ब्यवहारिक प्रयोगले जेसीजको गरिमा उच्च हुनुको मुल कारण भएको स्पष्ट पार्नुहुँदै अर्थमन्त्री कार्कीले त्यो विषयमालाई राजनीतिक दलहरुले आत्मसाथ गर्न सके समग्र देशको विकासमा सवैको साझेदारी बढ्ने विश्वास समेत उहाँले स्पष्ट पार्नुभयो ।

बदलिदो विश्व समाजसँग प्रतिस्पर्धा गर्नका लागि नेपाली समाजलाई सचेत र सक्षम तुल्याउनका लागि भाषण त जसले पनि गर्न सक्छ तर त्यसलाई ब्यवहारमा उतार्न गा¥हो छ भन्नुहुँदै अर्थमन्त्री कार्कीले जेसीजले प्रयोग गर्दै आएको विधिको शासन प्रणालीलाई अनुशरण गर्न जरुरी रहेको तर्फ पनि सवैको ध्यानाकर्षण हुनु पर्ने कुरामा पनि उहाँले जोड दिनुभयो ।

जेसीसजे अपनाउँदै आएको शासन प्रणाली विश्वकै उत्कृष्ठ उदाहरणीय र अनुकरणीय रहेकाले त्यसलाई हामी सवै समाज र राष्ट्रप्रति जवाफदेही कार्यमा सम्लग्न भएकाहरुले अनुशरण गर्न जरुरी रहेको पनि अर्थमन्त्री कार्कीले स्पष्ट पार्नुभयो ।

राजनीतिलाई सेवाभावले हेर्न नसकेसम्म शासन प्रणाली जनताप्रति उत्तरदायी बन्न नसक्ने तर्फ आफुले जेसीजबाटा धेरै ज्ञान प्राप्त गरेकाले जेसीजको नारालाई आफुले शिरोधार्य गर्दै आएको पनि मन्त्री कार्कीले स्पष्ट पार्नुहुँदै यो सिद्धान्त नै समाज परिवर्तनको महत्वपूर्ण मन्त्र भएको पनि स्पष्ट पार्नुभयो।

इटहरी जेसीज अध्यक्ष गोकुल थापाको अध्यक्षतामा भएको उक्त पदस्थापन समारोहमा केन्द्रिस साँसद सिताराम मेहेता प्रदेश साँसद लिलम बस्नेत जुनियर जेसीज अध्यक्ष बादल दाहाल लगायतले बोल्नुभएको थियो ।

सोही पदस्थापना मारोहमा इटहरी जेसीज र जुनियर जेसीजका नयाँ कार्य समितको चयनसँगै बर्षभरि उत्कृष्ठ समाजसेवामा समर्पित जेसीज पदाधिकारीहरुलाई सम्मान समते गरिएको थियो ।