फुटबल प्रतियोगितामा सुनसरी फाइनलमा पुग्यो

पाँचथर पुस १४ गते । रातो तारा डट कम,ःसुनसरी –११ सदरमुकाम फिदिममा जारी नवौँ रुसलान फाल्गुनन्द गोल्डकप फुटबल प्रतियोगिताको फाइनलमा प्रवेश गरेको छ ।

हिजो भएको पहिलो सेमिफाइनलमा अग्नि रुपन्देही–११ लाई ३–१ को गोल अन्तरले पराजित गर्दै सुनसरी ११ ले अन्तिम दुईको यात्रा तय गरेको हो । सुनसरीका तर्फबाट पहिलो हाफको १५ आँै मिनेटमा तीर्थ बस्नेतले एक गोल गरेका
 थिए । यस्तै सुनसरीकै तर्फबाट दोस्रो हाफको २८ औँ र ३७ ओै मिनेटमा हेमन्त थापा मगरले एक एक गोल गरेका थिए ।

उता जवाफमा अग्नि रुपन्देही ११ का तर्फबाट छिरिङ गुरुङले थपिएको इन्जुरी समयमा सान्त्वना गोल फर्काएका थिए । आजको खेलमा उत्कृष्ट प्रदर्शन गर्ने सुनसरी ११ का विष्णु सुनवार ‘म्यान अफ दि म्याच’ घोषित भए ।

प्रतियोगिताअन्तर्गत शुक्रबार दोस्रो सेमिफाइनलमा बिर्तामोड युनाइटेड झापा र मोरङ ११ बीच प्रतिस्पर्धा हुने आयोजक फिदिम स्पोर्टिङ क्लबका अध्यक्ष विमल श्रेष्ठले बताउनुभयो ।