सरसफाई युक्त वडा घोषणा

अमृत बास्तोला-तेह्रथुम, जेठ  १५ गते । रातो तारा डट कम,
तेह्रथुमको आठराई गाउँपालिका स्थित साविक संक्रान्तिबजार वडा नं. ३ लाई सोमबार पूर्ण सरसफाई युक्त वडा तथा विद्यालय घोषण गरिएको छ ।

 वडाका सबै घरमा शौचालय, सुधारिएको चुलो, चाङ, शुद्ध खानेपानीको व्यावस्थापनका सुचक पुरा भएकाले पूर्ण सरसफाई युक्त वडा घोषणा गरिएको हो ।

साविक संक्रान्ति गाविसलाई पूर्ण सरसफाई घोषण गर्न फन वोर्डको १ लाख ५० हजार  र सक्रान्तिबजार गाविसको  १ लाख ५० हजार सहयोगमा संक्रान्ति गाविसका सामाजिक परिचालक कमल भण्डारीले जानकारी दिनु भयो ।

देउराली सोसाईटी तेह्रथुमको सहजिकरणमा सुधारिएको चुलो निर्माणका लागि गाविसले प्रत्येक घरलाई १ केजि फलामको रड र ५४ घरमा शौचालय निर्माणका लागि १५ वटा प्यानसेट मात्र गाविसबाट सहयोग भएको पूर्ण सरसफाई वडा समितिका संयोजक जेवि कटुवालले बताउनु भयो ।

अनुगमन समितिका संयोजक कमलबहादुर माबोहाङको प्रमुख आतिथ्यमा सम्पन्न कार्यक्रममा सरसफाई उत्प्रेक रमिला नेपाली, अनुगमन समितिका सदस्य उमानाथ भण्डारी, नेपाली काँग्रेसका प्रतिनिधि महेन्द्र विमली, आठराई पत्रकार समाजका अध्यक्ष अमृत बास्तोलाले घोषणा सभालाई सम्बोधन गरेका थिए ।

कार्यक्रम पूर्ण सरसफाई वडा समितिका संयोजक जेवि कटुवालको सभापतित्वमा सम्पन्न भएको हो ।