वडा अध्यक्ष देखीका पपुलर व्याक्तिलाइ मात्र टिकट देउ

कोैशल निरोैला- बिराटनगर जेष्ठ १५ गते । रातो तारा डट कम,वडा अध्यक्ष देखी मेयर सम्मका पदहरूमा पपुलर व्यक्तिहरुलाई टिकट दिनुपर्ने धारणा कांग्रेस आवद्ध युवाहरुले आज बिराटनगरमा कार्यक्रमको आयोजना गरेरै सो कुरा राखेका हुन ।

नेपाली कांग्रेस जिताउ अभियानमा जुटेका युवाहरुले सोमवार विराटनगरमा गरेको छलफल कार्यक्रमका सहभागीहरुले यस्तो धारणा व्यक्त गरेका हुन् ।

उनीहरुले वडा देखीनै पपुलर व्याक्ति काग्रेसले छनौट गर्न सके त्यसको प्रभाव मेयर सम्म पर्ने धारणा व्यक्त गरे । वडा नै विग्रियो मत पनि विग्रन्छ यसका लागी युवाहरुले आवाज उठाउन आवश्यक छ ।

कार्यक्रममा कांग्रेस संग आस्था राख्ने धार्मिक व्यक्तित्व,सामाजिक अभियन्ता ,शिक्षा,स्वास्थ्य र पत्रकारहरुको उल्लेख्य सहभागिता रहेको थियो ।

सहभागीहरुले पहिलो चरणमा भएका स्थानीयतहको निर्वाचनमा भएका कमजोरीलाई सुधार गर्दे कांग्रेसले टिकट वितरण गर्नुपर्ने भनाइ राखेका थिए ।

युवा अभियानका संयोजक हरि भट्टराईको अध्यक्षतामा भएको कार्यक्रममा कांग्रेस नेतृहरु पुनम सिंह,प्रमिला थापा,विन्दिया कार्की,सामाजिक अभियन्ता बशन्त अधिकारी,राजेन्द्र ढकाल,पत्रकार कौशल निरौला ,युवा नेताहरु खेमराज थापा,आदर्श कार्की,दिननाथ आचार्य,प्रशान्त निरौला,मनिष तिम्सिना ,मोरङ ब्यापार संघका विकास वेगवानी र मारवाडी युवामञ्चका गोपाल अग्रवाल लगायतले नेतृत्व चयन गर्दा कांग्रसले ध्यान दिनुपर्ने धारणा व्यक्त गरेका थिए ।