बक्लौरीबाट गाँजा सहित दुई पक्राउ

सुनसरी, असार १४ गते। सुनसरीको बक्लौरी गाविस ७ बाट सोमबार प्रहरीले लागुऔषध गाँजा सहित दुईजनालाई पक्राउ गरेको छ। इलाका प्रहरी कार्यालय पकलीबाट खटिएको प्रहरीको टोलीले सोमबार साँझ ५ बजे बक्लौरी स्थित पम्फापुर बस्ने सीता चौधरी र लल्की चौधरीको किराना पसलमा बिक्री गर्न १ केजी ६०० ग्राम लागुऔषध गाँजा बरामद गरेको हो। 
गाँजा सहित पक्राउ परेका दुवैजनालाई इलाका प्रहरी कार्यालय पकलीमा राखि थप अनुसन्धान भइरहेको छ।