सवारी दुर्घटना चार घाइते

सप्तरी, असार १४ गते। सप्तरीको छुट्टा छुट्टै दुई स्थानमा सोमबार भएको सवारी दुर्घटनामा चारजना घाइते भएका छन्। 
शम्भुनाथ-३ मा स १ प ७५६५ नम्बरको मोटरसाइकलले साईकलयात्री सोही स्थान बस्ने उतिमलाल मण्डल र पछाडी सवार सुभनिलाल मण्डललाई ठक्कर दिदा दुईजना घाइते भएका छन्। घाइते दुवैजनाको स्थानिय क्लिनिकमा उपचार भइरहेको छ भने मोटरसाइकल चालक सोही स्थान बस्ने महेन्द्र मण्डल समेत गम्भिर घाइते भएकाले न्युरो अस्पताल विराटनगरमा उपचार भइरहेको छ। 
त्यसैगरी शम्भुनाथ-८ मा स १ त ११११ नम्बरको ट्याक्टरले पैदलयात्री सोही स्थान बस्ने खुशीलाल चौधरीलाई ठक्कर दिदा गम्भिर घाईते भएका छन्। घाइते चौधरीको विपी कोइराला स्वास्थ्य विज्ञान प्रतिष्ठान धरानमा उपचार भइरहेको छ भने ट्याक्टर इलाका प्रहरी कार्यालय कल्याणपुरमा राखि चालक फरार रहेकाले खोजीकार्य भइरहेको छ।