आगलागीबाट एक घर जलेर नष्ट

खोटाङ, असार १३ गते। खोटाङको बाक्सिला ९ स्थित सिमपानीमा आइतबार बिद्धुत सर्ट भई आगलागी हुँदा एक घर जलेर नष्ट भएको छ भने अन्दाजी १५ लाख बराबरको क्षती भएको छ। 

स्थानिय हिराधन राइको घरमा कोही नभएको अबस्थामा अपरान्ह ४ बजे अचानक बिद्धुत सर्ट भइ आगलागी भएको थियो। आगलागीबाट निजको ढुङगा माटोले बनेको टिनको छानो भएको २ तले घर तथा नगद रू १० हजार र घर भित्र भएका सम्पुर्ण मालसामान समेत जलि अन्दाजी १५ लाख बराबरको क्षती भएको हो। आगलागी प्रहरी र स्थानीय मानिसको सहयोगमा साँझ ६ बजे नियन्त्रण लिएको हो।